لطلاب الثانوية العامة ازاى تختار المجال المناسب للدراسة
هذه بعض النصائح من خلال خبرتي واتمني الاستفادة منها . لو حضرتك عمرك
قريت عن المجالات او شخص نصحك وفجأة سألوك عن المجال الي تقدم عليه ... تعرف تجاوب
منين ؟؟ اكيد تجاوب علي اللي انت بتسمعه عن كليات القمة او كليات الشعب او تكون محتار
. وبالتالي لما تستكشف وتجرب كويس مع وفرة وغزارة المعلومات والكورسات الموجودة اونلاين
اكيد بتكون عارف تختار صح وتحدد كجال عملك .
في بعض الكليات الظروف بتحكمك , مثلا خريج تجارة ممكن يشتغل وظائف كثيرة
الا الهندسة والطب والقانون . لكن غير المجالات دي ممكن تدرس اي مجال وتتقنه وتشتغل
بيه عادى .
مثال ممكن تكون خريج حقوق او تجارة او طب او هندسة ..... الخ
وتتعلم مهارات اللغة وتدخل اي مجال من مجالات البزنس زي
HR – Customer Service – PR – Supply Chain – Sales – Marketing –
Administration – Programing … Etc.
المجالات دي كلها مبنية علي المهارات وليس الشهادات الجامعية , وايضا
تدريس اللغات . كل المهارات قابلة للتعلم .
لكن مجالات الفنون بتكون مبنية علي الموهبة : وهي تعني قدرة ذهنية خاصة
يتميز بها شخص في مجال ما , يتم تطويرها لاحقا لتصبح مهارة مثال الرسم والغناء والنحت
, في حالة انعدام الموهبة فمهما مارست وتدربت هيضل الضعف موجود .
عملية اكتشاف المجال والدراسة الانسب لك دي عملية مستمرة , لان احتياجات
البشر هي اللي بتحرك سوق التجارة وتتحكم في سوق العمل . لو هتستمر في نفس مجالك فلازم
تستكشف الجديد وتطور من نفسك ومع الوقت والخبرة والقراءة والاطلاع في مواهب مدفونة
بتظهر ربنا اودعها فيك لكن عقلك كان محتاج لمزيد من الخبرة والقراءة والتجارب عشان
تظهر المواهب دي .
نصيحة لأى طالب او اب او ام مش كل المجالات مفهومة لكل فئات وطبقات المجتمع
, ونجاحك في اي مجال يتطلب منك اتقان 4 مهارات اللغة – مهارات العمل – الكمبيوتر –
المهارات التخصصية في مجالك.
بعد الاستكشاف والقراءة الكثيرة لسوق العمل واخد كورسات او نصائح عن كل
المجالات , تلقائيا تلاقي نفسك ميال لمجال معين او مجالين ثلاثة ويصفصفوا علي مجال
.
نشاطات الطلاب في الجامعات بتنمي مهارات كثيرة للطلاب وتعالج في شخصية
الطلاب حاول اول ما تدخل الجامعة انك تنضم لفريق او اسرة وتكون شخص نشط فيها والتطوع
له فوائد كثيرة ايضا , بعد ذلك يجب ان تدرب في مجالاك لاكتساب خبرة , كل ما سبق يبقي
حبرا علي ورق الا لو بدأت ونفذت واستمريت وحسبت النتائج . اتمني الاستفادة من هذه النصائح
.